தேசியச் செய்திகள்

வேட்பாளர்களின் தகவல் வெளிப்படுத்தல் குறித்து உச்ச நீதிமன்றம்

October 27 , 2026 11 days 114 0

வேட்புமனு தாக்கல் பத்திரங்களில் தவறான தகவல்களை அளித்தாலோ அல்லது தகவல்களை மறைத்தாலோ, தேர்தல் வேட்பாளர்கள் மீது வாக்காளர்கள் குற்றவியல் புகார்களை அளிக்கலாம் என்று உச்ச நீதிமன்றம் தீர்ப்பளித்துள்ளது.
வேட்புமனு தாக்கல் செய்யும் போது சொத்துக்கள், கல்வித் தகுதிகள் மற்றும் குற்றப் பின்னணிகள் போன்ற விவரங்களை வேட்பாளர்கள் கட்டாயம் வெளிப்படுத்த வேண்டும்.
1951 ஆம் ஆண்டு மக்கள் பிரதிநிதித்துவச் சட்டத்தின் 125-A பிரிவின் கீழ், தவறான தகவல்களை அளிப்பது அல்லது தகவல்களை மறைப்பது என்பது 6 மாதங்கள் வரை சிறைத்தண்டனை, அபராதம் அல்லது இரண்டும் சேர்த்து விதிக்கக் கூடிய ஒரு குற்றமாகும்.
பிரிவு 125-A இன் கீழ் ஒரு புகாரை தனிநபரும் தாக்கல் செய்யலாம் என்றும், இது அரசு ஊழியர்கள் அல்லது தகுதிவாய்ந்த அதிகாரிகளுக்கு மட்டுமே வரம்பிற்குட்பட்டது அல்ல என்றும் நீதிமன்றம் தீர்ப்பளித்துள்ளது.
தேர்தல்களில் வெளிப்படைத்தன்மையை வலுப்படுத்தவும், வேட்பாளர்கள் பற்றிய துல்லியமான தகவல்களை வாக்காளர்களுக்கு வழங்கவும் 2002 ஆம் ஆண்டில் பிரிவு 125-A சேர்க்கப்பட்டது.
குற்றவியல் நடைமுறைச் சட்டத்தின் (CrPC) 195 வது பிரிவானது பிரிவு 125-A இன் கீழ் தனியார் குடிமக்கள் புகார்களை அளிப்பதைத் தடுக்காது எனவும் நீதிமன்றம் தீர்ப்பளித்துள்ளது.