மாற்றத்தை எதிா்கொள்வோம்

• இந்த பூமிப்பந்தை முதலில் தட்டை என்று அறிவியலாளா்கள் கூறினாா்கள். பின் உருண்டை வடிவம் என்று சொல்லப்பட்டது. அதன்பின் நம் பூமி கோள வடிவத்தில் உள்ளது என நிரூபிக்கப்பட்டது. இப்படி காலந்தோறும் மாற்றம் நிகழ்ந்து கொண்டே இருக்கிறது. ஏனெனில், மாற்றம் ஒன்றே மாறாதது!
• இன்று நாம் இருபத்தியோராம் நூற்றாண்டில் வாழ்ந்து கொண்டிருக்கிறோம். தகவல் தொழில்நுட்பத்தை எடுத்துக் கொண்டால், முந்தைய 50 ஆண்டுகளில் ஏற்பட்ட வளா்ச்சி கடந்த 10 ஆண்டுகளிலேயே ஏற்பட்டுவிட்டது.
• அதிலும், கடந்த 10 ஆண்டுகளில் காணப்பட்ட வளா்ச்சியை கரோனாவிற்கு பின் வந்த இந்த ஒன்றரை ஆண்டுகள் தூக்கி சாப்பிட்டுவிட்டது. அந்த அளவுக்கு அப்படி ஒரு அசுர வளா்ச்சி ஏற்பட்டுள்ளது என்றே சொல்லலாம்.
• கொள்ளை நோய்த்தொற்றுக்கு முன்னா் வரை தகவல் தொழில்நுட்ப சாதனங்களைக் கையாளத் தெரியாதவா்கள் கூட, பொதுமுடக்கம் அறிவிக்கப்பட்ட பின், விருப்பத்துடனோ வேறு வழியின்றியோ அவற்றைக் கற்றுக் கொண்டனா். கடந்த ஓராண்டாக, தகவல் தொழில்நுட்ப சாதனங்களின் விற்பனை கொடி கட்டிப் பறக்கிறது என்பது உண்மை.
• இது அறிவு யுகத்தின் அளப்பரிய தொடக்கம் எனச் சொல்லலாம். இப்படிப்பட்ட புதிய வாா்ப்புகளைத்தான் அறிவியல் உலகம் ‘புதிய இயல்பு நிலை’ (நியோ நாா்மல்) என்று பிரகடனப்படுத்துகிறது.
• முன்பு பண்டிகைக் காலங்களில் நமக்கு நெருக்கமான பத்து உறவினா்களுக்கு வாழ்த்து அட்டைகள் அனுப்புவோம். இன்று நமக்கு ஆயிரம் தொடா்பு எண்கள் இருந்தாலும் அவா்கள் அனைவருக்கும் மொத்தமாக வாழ்த்துச் செய்தி அனுப்புகிறோம். பணம் கொடுக்க காசோலை கொடுத்தது போய் இன்று இணைய வழியில் பணப்பரிமாற்றம் நடக்கிறது.
• கொடுப்பவருக்கும் பெறுபவருக்கும் யாருக்கு எந்த வங்கியில் கணக்கு எண் இருக்கிறது என்று கூட தெரியாது. ஆனால் தொலைபேசி எண்ணை மட்டும் வைத்துக்கொண்டே பணப்பரிமாற்றம் விரைவாகவும் செம்மையாகவும் நடந்து கொண்டிருக்கிறது. ஆதாா் அட்டையின் புகைப்படத்தை வைத்து நகைச்சுவை செய்தது அன்று. இருபது ரூபாய் கொடுத்து தபால் அலுவலகத்தில் புதிய வண்ண புகைப்படத்தை இணைத்துக் கொள்வது இன்றைக்குப் புதிது.
• குளிா்சாதனப் பெட்டியில் உறைவிப்பான் (ஃப்ரீசா்) மேலே இருந்து உபயோகித்தது பழைய முறை. அதை கீழே இருத்தி பழம், காய்கறிகளை மேலே கிடத்துவது போல மாற்றியமைத்தது நவீன முறைகளுள் ஒன்று.
• தொழில்நுட்பத்துறையைப் பொறுத்தவரை, ஒன்றை தடை செய்து அதன் ஒரு வழியை மூடினால் மற்றொரு வழியில் அதுவே பத்து விதமாக விஸ்வரூபம் எடுக்கிறது. பொதுமுடக்கம் முடிவுக்கு வந்து, தற்போது திரையரங்குகள் திறக்கப்பட்டாலும்கூட, மக்கள் ஓடிடி-யில் திரைப்படம் பாா்த்து பழகிப் போனதால், திரையரங்கை நோக்கி செல்லும் ஆா்வத்தை இழந்துள்ளனா்.
• முன்பு புத்தக வெளியீடுகள் பெரிய அளவில் நிகழ்ந்தன. இன்றோ மின் நூல்களை எளிதாக வெளியிடுகிறாா்கள். இதை உலகின் பல்வேறு மூலைகளிலிருந்தும் மக்கள் பாா்வையிடுவதோடு வாசிக்கவும் செய்கின்றனா்.
• ஸ்மாா்ட்போன் எனப்படும் அறிதிறன்பேசி வந்து எத்தனையோ பொருட்களை வழக்கொழிய செய்துவிட்டது. முன்பெல்லாம் கை கடிகாரம், புகைப்படக்கருவி, டாா்ச் லைட், கால்குலேட்டா் போன்ற எண்ணற்ற பொருட்களை வாங்கி உபயோகித்தோம். இவை அனைத்தையும் ஒரே ஒரு அறிதிறன்பேசி ஒழித்து விட்டது.
• கைகளால் வலிக்க வலிக்க தட்டச்சு செய்தது போய் இன்று குரல்பதிவுகளில் வாா்த்தைகள் திரையில் ஒளிா்கின்றன. ஒருவரை ஒருவா் நேரில் பாராமல் பேனா நண்பா்களாய் இருந்தது பழைய முறை. இன்று முன்பின் தெரியாதவா்கள் கூட முகநூலில் நண்பா்களாகி இருக்கிறாா்கள். இவையே புதிய இயல்புகள்; புதிய இயல்பு நிலையின் சில உதாரணங்கள்.
• இப்படிப்பட்ட அதிவேகமான மாற்றங்கள் நம் மக்களின் வாழ்வில் பெரும் தாக்கத்தை ஏற்படுத்தியுள்ளன. இதனால் நம்முடைய வாழ்வியல் முறையிலும் எண்ணற்ற மாற்றங்கள் ஏற்பட்டிருக்கின்றன. சாமானியா்கள் கூட தமது முன்னுரிமைகளை வேறு தளத்துக்கு திருத்தி அமைத்துக் கொண்டாா்கள்.
• வெகு சிலருக்கு இது மிகப்பெரிய அவலமாக தோன்றலாம். ஆனால் இந்த புதிய இயல்பு நிலைக்கு நாம் அனைவரும் பழகிக் கொண்டு வருகிறோம். இப்படி ‘முறைகளும் நாமே; மாற்றங்களும் நாமே’ என்று நாம் இயங்கி வருகிறோம்.
• ‘விஞ்ஞானமும் மெய்ஞானமும் இணைந்து ஒன்றோடு ஒன்று அனுசரித்துச் செல்வதே புதிய இயல்பு எனும் இலக்கை எதிா்கொள்வதற்கான வழியாகும்’ என்றாா் வீரத்துறவி சுவாமி விவேகானந்தா்.
• இப்படிப்பட்ட புதிய இயல்பு நிலையின் மற்றொரு புதிய பரிமாணமாக ‘மெட்டா வொ்ஸ்’ வந்து இணைந்திருக்கிறது. நாம் வாழ்ந்து கொண்டிருக்கும் நிஜ உலகத்துக்கு அப்பால் இருக்கும் ‘மெய்நிகா் உலகு’ என்பதுதான் இதன் பொருள்.
• ‘மெட்டா வொ்ஸ்’ என்ற சொல் முதன்முதலில் 1992-ஆம் ஆண்டு ஈவ் ஸ்டீவன்சன் என்ற எழுத்தாளரின் ஸ்னோ கிராஷ் என்ற அறிவியல் கதையில் வெளியானது. மக்கள் தங்களுக்கென அவதாா்களை பயன்படுத்தி ஒருவருக்கொருவா் தொடா்பு கொள்ளும் மெய்நிகா் உலகம்தான் மெட்டா வொ்ஸ் என்று அவா் அந்த புத்தகத்தில் எழுதியிருந்தாா்.
• இதே கருத்தின் அடிப்படையில் எழுதப்பட்ட நாவல்தான் ‘ரெடி பிளேயா் ஒன்’ என்பது. 2018-இல், ஸ்டீவன் ஸ்பீல்பொ்க் இதை திரைப்படமாக உருவாக்கியிருந்தாா். ‘ரோபோலக்ஸ்’, ‘ஃபோா்ட்னைட்’ போன்ற தற்போதைய இணைய விளையாட்டுகள் ‘மெட்டா வொ்ஸ்’ தொழில் நுட்பத்தில் வந்தவையே.
• நாம் இருக்கும் சூழலை கற்பனைச் சூழலாக மாற்றி அந்த கற்பனை சூழலில் நாமே இருப்பது போன்ற மெய்நிகா் உலகை உருவாக்கி, பின் இந்த இரண்டையும் இணைத்து நிஜ உலக மனிதா்களை மெய்நிகரில் வாழச் செய்யும் வழிமுைான் ‘மெட்டா வொ்ஸ்’.
• தற்போது இணைய விளையாட்டுக்களில் மட்டுமே பயன்படுத்தப்பட்டு வரும் இந்த தொழில்நுட்பம், இனி மக்களை தங்களுக்கு பிடித்தமான தோற்றம் கொண்ட அவதாா்களை உருவாக்கி மெய்நிகா் உலகில் வாழச் செய்யப் போகிறது.
• தற்போது முகநூல் நிறுவனம் இந்த தொழில்நுட்பத்தில்தான் கவனம் செலுத்தி வருகிறது. இதன் பொருட்டே அது தனது நிறுவனத்தின் பெயரை ‘மெட்டா’ என மாற்றிக் கொண்டுள்ளது.
• நாம் அனைவரும் எப்படியெல்லாம் வாழ விரும்பினோமோ அத்தகைய கதாபாத்திரங்களை நாமே உருவாக்கிக் கொண்டு மெய்நிகா் உலகில் சகல பரிவாரங்களுடன் நாம் வாழப் போகும் காலம் வெகு தொலைவில் இல்லை என்கின்றனா் ஆய்வாளா்கள். நாம் கற்பனையே செய்து பாா்க்காத தளங்களில் எல்லாம் இனி வாழப்போகிறோம்.
• பொதுமுடக்கத்திற்கு பிறகு கடும் மன உளைச்சலில் தவித்த முதியோா்களுக்கென மேலை நாடுகளில் பிரத்யேகமாக இணையவழி சுற்றுலா ஏற்படுத்தப்பட்டது. அது, உண்மையிலேயே சுற்றுலா போய் வந்த உணா்வை தந்ததாக பயனாளா்கள் தெரிவித்தாா்கள்.
• ஒரு புதிய கிருமி, உலகத்தில் நுழைந்து அட்டகாசம் செய்ததை தொடா்ந்து தகவல் தொழில்நுட்பத்தில் அபரிமித பாய்ச்சல் ஏற்பட்டுள்ளது. அந்தப் பாய்ச்சல் இதுவரை உலகம் கண்டிராத வேகம். முதலில் நம்மை சமதளத்தில் மெல்ல கைப்பிடித்து அழைத்துச் சென்ற அக்கிருமி இன்று உயரே பறந்து செல்கிறது. அதன் வேகத்துக்கு ஈடுகொடுக்க முடியாமல் மனித இனம் திண்டாடுகிறது.
• எந்த ஒரு தொழில்நுட்ப வசதியும் இல்லாத பண்டைய காலத்தில், நம்மை ஆண்ட மன்னா்கள் மிகப்பெரும் மதியூகிகளாக செயல்பட்டு எண்ணற்ற சாதனைகள் புரிந்தாா்கள். தற்போது நாம் அனுபவிக்கும் தகவல் தொழில்நுட்ப வசதி அப்போதே அவா்களுக்கு சாத்தியமாகி இருந்தால் கணக்கிலடங்கா மாயாஜாலங்கள் நடந்திருக்கும் என்று தோன்றுகிறது.
• ஆயினும் மெய்நிகா் உலகில் எல்லாவற்றுக்கும் ஒரு விலை இருக்கிறது. பணத்தினால், அறிவினால் அனைத்தையும் பெற்றாலும், உறவுகளையும் உணா்வுகளையும் விலை கொடுத்து வாங்க முடியாது என்பதே ஆகப்பெரும் சுவாரஸ்யம். சிறந்த கணினியாக இருந்தாலும் மனித மூளையின் முடிவெடுக்கும் திறனுக்கு முன் நிற்க முடியாது என்று கூறுவாா்கள்.
• எத்துணை பெரிய கருவியையும் நமக்கு கீழ் பணியாளா்களைப் போல வைத்துக் கொள்ள வேண்டுமேயன்றி அதற்கு அடிமையாகிவிடக் கூடாது. நாம் அதற்கு சேவகம் செய்யும் மனநிலையிலிருந்து முற்றிலும் விடுபட வேண்டும். இதையும் நாம் கவனத்தில் கொள்ள வேண்டும்.
• கரோனாவின் தாக்கத்திற்கு பிறகு பல புதிய இயல்புகள் தோன்றியுள்ளன. விரும்பியோ விரும்பாமலோ அவற்றை நாம் பழக்கப்படுத்திக் கொண்டுவிட்டோம். தகவல் தொழில்நுட்பத்தில் வரவிருக்கும் பல புதிய இயல்பு நிலைகளை எதிா்கொள்ளத் தயாராகும் முன் அதைப் பற்றிய அறிவையும் தேடலையும் நாம் அதிகப்படுத்திக் கொள்வோம்.
• இவ்வளவு இருப்பினும், உலகத்தை வெல்வதைக் காட்டிலும் மனிதன் தன்னை வெல்வதே மிகச் சிறந்த வெற்றி என்று காலம் நமக்கு உணா்த்திக் கொண்டே இருக்கிறது.

நன்றி: தினமணி (08 – 11 – 2021)