சுற்றுச்சூழல் செய்திகள்

சுவிட்சர்லாந்தில் அலெட்ச் பனிப்பாறை உருகும் நிகழ்வு

October 7 , 2026 4 days 72 0

சுவிட்சர்லாந்தின் மிகப்பெரிய பனிப்பாறையான அலெட்ச் பனிப்பாறை (Aletsch Glacier), குளிர்காலத்தில் குறைந்த பனிப்பொழிவு மற்றும் கோடையில் பதிவான அதிகபட்ச வெப்பநிலை காரணமாக 2026 ஆம் ஆண்டில் இதுவரை இல்லாத அளவிலான மிகப்பெரிய வருடாந்திர உருகுதலைப் பதிவு செய்துள்ளது.
சுவிஸ் பனிப்பாறை கண்காணிப்பு வலையமைப்பின் (GLAMOS) கூற்றுப்படி, 2026 ஆம் ஆண்டில் சுவிஸ் பனிப்பாறைகள் தங்களின் பனியில் 5% க்கும் அதிக அளவை இழந்துள்ளன.
கடந்த ஐந்து ஆண்டுகளில், சுவிஸ் பனிப்பாறைகள் தங்களின் பனியில் கிட்டத்தட்ட ஐந்தில் ஒரு பங்கை இழந்துள்ளன.
2026 ஆம் ஆண்டு ஜூலை மற்றும் செப்டம்பர் மாதங்களுக்கு இடையில் சுவிஸ் பனிப்பாறைகள் சுமார் 2.2 டிரில்லியன் லிட்டர் தண்ணீரை இழந்துள்ளன, இது சுவிஸ் குடும்பங்களின் வருடாந்திர குடிநீர் பயன்பாட்டை விட நான்கு மடங்கு அதிகமாகும்.
சான்ஃப்ளூரான் பனிப்பாறை (Glacier de Tsanfleuron) இந்த ஆண்டில் 4 மீட்டருக்கும் அதிகமான சராசரி பனி தடிமனை இழந்துள்ளது.
இந்த உருகுதலானது குளிர்காலத்தில் குறைந்த பனிப்பொழிவு மற்றும் கோடையில் நிலவிய கடுமையான வெப்பம் ஆகியவற்றுடன் தொடர்புடையது, இது ஆல்பைன் பனிப்பாறைகளில் உயர்ந்து வரும் வெப்பநிலையின் தாக்கத்தைக் காட்டுகிறது.