தேசியச் செய்திகள்

டிஜிட்டல் உரிமைகள் குறித்த உச்ச நீதிமன்ற வழக்கு

October 19 , 2026 6 days 76 0

இந்திய அரசியலமைப்பின் 21 மற்றும் 19(1)(a) ஆகிய சரத்துகளின் கீழ் இணையத்தை அணுகுவதற்கும் பயன்படுத்துவதற்குமான குழந்தைகளின் உரிமையை அவர்களின் அடிப்படை உரிமைகளின் ஒரு பகுதியாக உச்ச நீதிமன்றம் அங்கீகரித்துள்ளது.
சரத்து 21 வாழ்வதற்கான உரிமை மற்றும் தனிப்பட்ட சுதந்திரத்தை பாதுகாக்கிறது, அதே சமயம் சரத்து 19(1)(a) பேச்சு மற்றும் கருத்து சுதந்திரத்திற்கான உரிமையைப் பாதுகாக்கிறது.
இணைய அணுகல் மீதான ஒட்டுமொத்த தடைகள் விகிதாசாரமற்றதாக இருக்கலாம் என்றும், அது குழந்தைகளை பாதுகாப்பற்ற இணைய தளங்களை நோக்கி தள்ளக் கூடும் என்றும் நீதிமன்றம் கவனித்துள்ளது.
பெற்றோர் வழிகாட்டுதல், மேற்பார்வை, வயதுக்கு ஏற்ற பாதுகாப்புகள் மற்றும் சமூக ஊடகங்களில் பிரத்யேகமான "குழந்தை முறை" கணக்குகள் ஆகியவை பரிந்துரைக்கப் பட்ட பாதுகாப்புகளில் அடங்கும்.
இணையவழி பாதுகாப்பு நடவடிக்கைகள் குழந்தைகளின் டிஜிட்டல் உரிமைகளை மதித்து, 2012 ஆம் ஆண்டு பாலியல் குற்றங்களிலிருந்து குழந்தைகளைப் பாதுகாக்கும் (போக்சோ) சட்டத்தை ஆதரிக்கும் அதே வேளையில், குழந்தைகளை சுரண்டலில் இருந்து பாதுகாக்க வேண்டும்.