மாநிலச் செய்திகள்

மாநில அந்தஸ்து தீர்மானம் - ஜம்மு காஷ்மீர்

October 2 , 2026 5 days 83 0

ஜம்மு காஷ்மீருக்கு முழு மாநில அந்தஸ்தை உடனடியாக வழங்கக் கோரும் தீர்மானத்தை ஜம்மு காஷ்மீர் சட்டமன்றம் 2026 ஆம் ஆண்டு செப்டம்பர் 28 அன்று நிறைவேற்றியது.
இந்தத் தீர்மானம் முதலமைச்சர் உமர் அப்துல்லாவால் செப்டம்பர் 25 அன்று முன்மொழியப் பட்டு, விவாதத்திற்குப் பிறகு குரல் வாக்கெடுப்பு மூலம் நிறைவேற்றப் பட்டது.
90 சட்டமன்ற உறுப்பினர்களில் சுமார் 60 பேர் இதை ஆதரித்தனர், அதே சமயம் 29 பாஜக சட்டமன்ற உறுப்பினர்கள் இந்த நடவடிக்கையை எதிர்த்து வெளிநடப்பு செய்தனர்.
தேசிய மாநாட்டுக் கட்சி (NC) சட்டமன்ற உறுப்பினர்களால் முன்மொழியப்பட்ட எட்டு திருத்தங்கள் சரத்து 370, சரத்து 35A மற்றும் 2019 ஆம் ஆண்டு ஆகஸ்ட் 5 க்கு முந்தைய நிலை ஆகியவற்றைக் குறிப்பிடக் கோரின; தீர்மானம் நிறைவேறுவதற்கு முன்பு அவை அனைத்தும் திரும்பப் பெறப்பட்டன.
சரத்து 370 ஜம்மு காஷ்மீருக்கும் ஒன்றிய அரசுக்கும் இடையிலான சிறப்பு உறவிற்கான அரசியலமைப்புக் கட்டமைப்பை வழங்கியது, அதே நேரத்தில் சரத்து 35A "நிரந்தர குடியிருப்பாளர்களை" மற்றும் அவர்களது தொடர்புடைய உரிமைகளை வரையறுக்க முந்தைய ஜம்மு காஷ்மீர் மாநில சட்டமன்றத்திற்கு அதிகாரம் அளித்தது; 2019 ஆம் ஆண்டு அரசியலமைப்பு மாற்றங்களைத் தொடர்ந்து இரண்டும் செயல்படுவதை நிறுத்தின.
ஜம்மு காஷ்மீர் மறுசீரமைப்புச் சட்டம், 2019 ஆனது முந்தைய மாநிலத்தை சட்டமன்றம் கொண்ட ஜம்மு காஷ்மீர் ஒன்றியப் பிரதேசமாகவும், சட்டமன்றம் இல்லாத லடாக் ஒன்றியப் பிரதேசமாகவும் மறுசீரமைத்தது, இது 2019 ஆம் ஆண்டு அக்டோபர் 31 முதல் நடைமுறைக்கு வந்தது.
இந்தத் தீர்மானத்தை தேவையான நடவடிக்கைகளுக்காக இந்திய அரசுக்கு அனுப்பி வைக்கக் கோருகிறது.