TNPSC Thervupettagam
✖
 
28, Jun 2026
TNPSC Group I Topper Corner
தமிழ் English
தேடல்
TNPSC துளிகள்

TNPSC துளிகள்

June 26 , 2026 2 days 34 0
  • இந்திய வம்சாவளி இயற்பியலாளரான ஜெயனேந்திர கே. ஜெயின் 2026 ஆம் ஆண்டிற்கான இயற்பியலுக்கான உல்ஃப் பரிசை வென்றுள்ளார்; இதன் மூலம் இப்பெருமையைப் பெறும் முதல் இந்திய வம்சாவளியைச் சார்ந்த அறிவியலாளர் என்ற சிறப்பை அவர் பெற்றுள்ளார்.
  • சென்னையைச் சேர்ந்த 'தி ஈபிளேன் கம்பெனி' எனும் நிறுவனமானது, இந்தியாவின் முதல் முழு அளவிலான மின்சார செங்குத்து புறப்பாடு மற்றும் தரையிறங்கும் (eVTOL) விமானத்தின் முன்மாதிரியை e200X (PT-01) என்ற பெயரில் வெளியிட்டுள்ளது.
    • e200X விமானமானது வான்வழி டாக்ஸி சேவைகள், சரக்கு போக்குவரத்து மற்றும் வான்வழி அவசர மருத்துவ ஊர்திச் செயல்பாடுகள் உள்ளிட்ட பல பயன்பாடுகளுக்காக வடிவமைக்கப்பட்டுள்ளது.
  • கிறிஸ்டியானோ ரொனால்டோ ஆறு FIFA உலகக் கோப்பைகளில் கோல் அடித்து வரலாற்றில் முதல் கால்பந்து வீரர் ஆனார்; இவர் 2006, 2010, 2014, 2018, 2022 மற்றும் 2026 ஆம் ஆண்டுகளில் நடைபெற்ற பதிப்புகளில் கோல் அடித்துள்ளார்.
  • டாப்500 பட்டியலின் (ஜூன் 2026 பதிப்பு) முதலிடத்தில் உள்ள சீனாவின் LineShine மீத்திறன் கணினி, தனிப்பயன் செயலி கட்டமைப்பு மற்றும் சுமார் 13.79 மில்லியன் மையங்களைக் கொண்ட CPU மட்டுமே உள்ள அமைப்பாகும்.
  • போதைப்பொருள் பயன்பாடு மற்றும் சட்டவிரோத கடத்தலுக்கு எதிரான சர்வதேச தினம் (உலக போதைப்பொருள் தினம்) ஆனது, போதைப்பொருள் பயன்பாடு மற்றும் சட்டவிரோத கடத்தலுக்கு எதிரான நடவடிக்கைகளை வலுப்படுத்தவும் ஒத்துழைப்பை மேம்படுத்தவும் ஒவ்வொரு ஆண்டும் ஜூன் 26 அன்று அனுசரிக்கப்படுகிறது.
    • 2026 ஆம் ஆண்டிற்கான இதன் கருத்துரு World drug problem: persisting issues, new challenges, innovative responses என்பதாகும்.
  • சித்திரவதைக்கு ஆளானவர்களுக்கான ஆதரவு சர்வதேச தினமானது, சித்திரவதையால் பாதிக்கப்பட்டவர்களுக்கு ஆதரவளிப்பதற்கும் உலகளவில் சித்திரவதையை ஒழிப்பதை ஊக்குவிப்பதற்கும் ஒவ்வொரு ஆண்டும் ஜூன் 26 அன்று அனுசரிக்கப்படுகிறது.
    • 2026 ஆம் ஆண்டிற்கான இதன் கருத்துரு Torture: a crime against humanity என்பதாகும்.
  • குளிர்பதனம், காற்றுச்சீரமைப்பு மற்றும் வெப்பப் பம்ப் தொழில்நுட்பங்களின் முக்கியத்துவம் குறித்த விழிப்புணர்வை ஏற்படுத்துவதற்காக, ஒவ்வொரு ஆண்டும் ஜூன் 26 அன்று உலக குளிர்பதன தினம் அனுசரிக்கப்படுகிறது.
    • 2026 ஆம் ஆண்டிற்கான இதன் கருத்துரு Cool Intelligence என்பதாகும்.

Post Views:
34

Leave a Reply

Your Comment is awaiting moderation.

Your email address will not be published. Required fields are marked *

பிரிவுகள்