சுற்றுச்சூழல் செய்திகள்

சிக்கிமில் புதிய பாலூட்டிகள் பதிவு

November 12 , 2026 2 days 59 0

கிழக்கு சிக்கிமின் உயரமான பகுதிகளில் புதிய பாலூட்டிகள் குறித்து ஒரு ஆய்வு அறிக்கை வெளியிட்டுள்ளது.
இந்த ஆய்வில், சிக்கிமின் பாங்கோலாகா வனவிலங்கு சரணாலயத்தில் 3,542 மீட்டர் உயரத்தில் காட்டெருதும் (Gaur), கியோங்னோஸ்லா பகுதியில் 3,966 மீட்டர் உயரத்தில் புலியும் (Tiger) கேமராக்கள் மூலம் பதிவு செய்யப்பட்டுள்ளன.
சிக்கிமில் உள்ள மூன்று பாதுகாக்கப்பட்ட பகுதிகளான கியோங்னோஸ்லா ஆல்ப்ஸ் சரணாலயம், பாங்கோலாகா வனவிலங்கு சரணாலயம் மற்றும் ஃபம்போங்லோ வனவிலங்கு சரணாலயம் ஆகியவற்றில் 64 இடங்களில் இந்த கேமரா-டிராப் கணக்கெடுப்பு (2023-2026) மேற்கொள்ளப்பட்டது.
மேலும் 4,100 மீட்டர் உயரத்தில் செந்நிறப் பாண்டா (Red Panda) மற்றும் பொன்னிற குள்ளநரி (Golden Jackal), 3,050 மீட்டர் உயரத்தில் கடமான் (Sambar) மற்றும் 3,189 மீட்டர் உயரத்தில் படைச்சிறுத்தை (Clouded Leopard) ஆகியவை முக்கியமாகக் கண்டறியப்பட்டுள்ளன.
IUCN செந்நிறப் பட்டியலில் இவற்றின் நிலையானது காட்டெருது – எளிதில் பாதிக்கப்படக்கூடிய இனம் (VU); புலி – அருகி வரும் இனம் (EN); செந்நிறப் பாண்டா – அருகி வரும் இனம் (EN); பொன்னிற நரி – அச்சுறுத்தல் குறைந்தவை (LC); படைச்சிறுத்தை – எளிதில் பாதிக்கப்படக்கூடிய இனம் (VU).
இதற்குத் தகுந்த வாழ்விடங்கள், மேம்பட்ட கண்காணிப்பு மற்றும் பருவநிலை மாற்றத்தின் தாக்கங்கள் காரணமாக இருக்கலாம் என ஆராய்ச்சியாளர்கள் கருதுகின்றனர்; வனவிலங்குகளின் பரவலில் ஏற்பட்டுள்ள மாற்றங்களை உறுதிப்படுத்த மேலும் நீண்ட கால ஆய்வுகள் தேவைப்படுகின்றன.