தமிழ்நாட்டுச் செய்திகள்

தமிழ்நாடு காவல்துறை மனிதவளம்

September 13 , 2026 9 hrs 0 min 34 0

மனிதவளப் பற்றாக்குறையை நிவர்த்தி செய்யவும், காவல்துறை பணியாளர்களின் பணிச்சுமையைக் குறைக்கவும் 17 ஆண்டுகளுக்குப் பிறகு 29,108 புதிய காவல் பணியிடங்களுக்கு தமிழ்நாடு அரசு ஒப்புதல் அளித்துள்ளது.
தமிழ்நாட்டின் காவலர்-பொதுமக்கள் விகிதம் 198.07-இல் (2013) இருந்து 171.98 (2024) ஆகக் குறைந்துள்ளது, அதே நேரத்தில் தேசிய விகிதம் 2024 ஆம் ஆண்டில் 194.40 ஆக அதிகரித்துள்ளது.
இந்தக் கூடுதல் பலம் தமிழ்நாட்டின் காவலர்-பொதுமக்கள் விகிதத்தை தேசிய சராசரிக்கு மேல் கொண்டு செல்லும் என எதிர்பார்க்கப்படுகிறது.
முன்னதாக, சிங்கப்பெண் சிறப்புப் படை மற்றும் போதைப்பொருள் தடுப்புச் சிறப்புப் படைக்காக 4,563 பணியிடங்கள் உருவாக்கப்பட்டன.
செயற்கை நுண்ணறிவு (AI), டிஜிட்டல் மற்றும் தகவல் தொழில்நுட்ப உள்கட்டமைப்பு மற்றும் தொடர் கண்காணிப்பு அமைப்புகள் உள்ளிட்ட காவல்துறை நவீன மயமாக்கலுக்கு ₹212 கோடி ஒதுக்கப்பட்டுள்ளது.
2026-27 ஆம் ஆண்டிற்கான காவல்துறை மானியக் கோரிக்கையின் கீழ் ₹4,477.58 கோடி ஒதுக்கப்பட்டுள்ளது.